Rhaglen Treftadaeth Treflun

Croeso i Raglen Treftadaeth Treflun Blaenafon!

Mae Cyngor Bwrdeistref Sirol Torfaen yn cyflwyno prosiect adfywio treftadaeth gwerth £1.9miliwn i reoli newidiadau cadarnhaol i ganol y dref a hyrwyddo Blaenafon fel Safle Treftadaeth y Byd a chyrchfan i dwristiaid.

Bydd yr arian yn galluogi’r Cyngor i gyflenwi Rhaglen Treftadaeth Treflun a fydd yn helpu perchenogion eiddo yn Broad Street i wneud gwelliannau â sail treftadaeth i’w heiddo, gan wella gwedd ac awyrgylch canol y dref i’w gwneud yn lle mwy deniadol i ymweld â masnachu ynddo.

Bydd hefyd yn ariannu prosiectau sydd wedi eu cynllunio er mwyn ymgysylltu â’r gymuned leol, gan gynnwys; creu cyfleoedd dysgu i blant ysgol ddathlu treftadaeth eu tref, prentisiaethau cadwraeth, gorymdeithiau Diwrnod Treftadaeth y Byd a llawer mwy. Mae ein gweithgareddau wedi eu cynllunio er mwyn ymgysylltu â’r gymuned leol a gwirfoddolwyr mewn perthynas ag amrywiaeth eang o weithgareddau sy’n cyflenwi sgiliau a hyfforddiant sy’n ategu hanes yr ardal.